7 të vdekur nga rrëzimi i helikopterit në Itali

Trupat e 7 personave u gjetën të shtunën, 2 ditë pasi një helikopter u rrëzua në veri të Italisë.

“Helikopteri, i cili ishte zhdukur që nga e enjtja e 9 qershorit, ishte nisur nga aeroporti Lucca me 7 pasagjerë dhe u gjet sot, në malin Cusna, i shkatërruar plotësisht”, tha Agjencia Kombëtare e Sigurisë së Fluturimeve të Italisë në një njoftim për shtyp.

Mbetjet u gjetën në malin Cusna, në Apeninet në rajonin verior të Emilia-Romagna, disa kilometra larg Toskanës.

Viktimat janë piloti nga rajoni Veneto dhe 6 pasagjerë, 4 me kombësi turke dhe 2 me kombësi libaneze, të cilët ishin në një udhëtim pune në Itali.

Konfirmimi zyrtar u dha nga prefektura e Modenës, raporton CNN.

LEXONI GJITHASHTU:

• Makina futet mes turmës, 1 viktimë dhe 8 të plagosur në Gjermani