“Shtëpi”, Dua Lipa zgjedh përsëri Shqipërinë për pushime

Ashtu si pa u ndjerë, pa zhurmë mediatike, Dua Lipa ka ardhur në Shqipëri. Ylli i pop-it ka zgjedhur sërish vendin tonë për të pushuar këto ditë.

Këngëtarja me origjinë shqiptare ka postuar disa foto nga jugu i vendit ku duket e mahnitshme me një fustan të zi. Krah postimit shkruan: “Shtëpi”, duke e shoqëruar me flamurin shqiptar. Ajo nuk e thotë vendin ku ndodhet po sipas mediave bëhet fjalë për Ksamilin.

Prej disa vitesh radhazi Dua ka zgjedhur që verën ta kalojë në jug të Shqipërisë. Para pak ditësh ajo ndodhej në Greqi me të dashurin Romain Gavras. Ndoshta edhe në Shqipëri ka ardhur me partnerin e saj, por mbetet për t’u zbuluar edhe në ditët në vijim.

LEXONI GJITHASHTU:

• I quajti emigrantët shqiptarë kriminelë, Dua Lipa i përgjigjet Sekretares britanike
• Anulohet “Sunny Hill”, e konfirmon Dua Lipa