Shtëpia pa dritë e Dritëroit, degradon banesa muze në Menkulas, gati projekti, mungojnë fondet

1 Mars 2021 | 07:14

Në fshatin Menkulas aty ku lindi dhe jetoi Dritëro Agolli sot nuk ka asnjë gjurmë të tij. E vetmja ndërtesë që u projektua për të qenë shtëpi-muze sot është kthyer në një ndërtesë të harruar, ku banorët kryejnë detyrat e tyre personale.

“Këtu ka hedhur një lopatë llaç edhe Dritëroi vetë. Pastaj siç bëhen këto lëvizjet e pushteteve nuk ka pasur dashamirësi që të ndërtohet kjo” , u shpreh Jani Begolli, koordinator i “Shoqata Devolli”.

Sami Begolli ndihet i lodhur nga çdo gjë dhe nuk ka besim se dikush do e ndërtojë përsëri këtë ndërtesë, ndërkohë nga shpirti i dalin disa fjalë rebeluese.

“Po mos e kishte Menkulasi Dritëronë, atëherë do ishte si tërë fshatrat e tjerë. Nuk do vinit as juve, as presidenti, as kryeministri as me radhë, si të duan le të bëjnë, unë po bej punën time”, tha Sami Begolli.

 Një tjetër mik i shkrimtarit, Avni Hoxha tregon se një figure të shquar si Dritëroi nuk po i jepen vlerat e duhura. 

“Të bëhet kjo sa jam unë gjallë do të shkoj i ngopur në atë bote, sepse shoku i mirë i imi dhe i tërë fshatit dhe i gjithë Shqipërisë nuk po gjen vendin e merituar”, tha zoti Hoxha.

Eduart Duro, kryetar i bashkisë Devoll shprehet se projekti për rindërtimin e kësaj ndërtese është gati, por bashkia e Devollit nuk ka buxhetin për ta financuar. 

E deri kur ministria në Tiranë të hedhë sytë drejt këtij fshati në Devoll, kjo ndërtesë do të vazhdojë ende të tregojë se Dritëroi i madh nuk po vlerësohet ashtu siç duhet. 

 

Home Kryefaqja
Shiko në: YouTube
Lajme të Sugjeruara

U plagos në Lozhan të Maliqit, efektivi i ‘Shqiponjave’ niset me helikopter drejt Traumës

Efektivi i ‘Shqiponjave’ Edison Adri që mbeti i plagosur nga operacioni në Lozhan të Maliqit, është nisur për mjekim të specializuar drejt Spitalit të Traumës...
09:44 | 04/06/2026

Vrasja e policit në Korçë, reagon Rama: Nderim përjetë Dëshmorit të Atdheut

Kryeministri Edi Rama ka reaguar menjëherë pas ngjarjes së rëndë të ndodhur në Maliq, teksa gjatë një operacioni policor efektivi i Shqiponjës Enea Mekolli humbi...
09:33 | 04/06/2026

Vrau një polic dhe plagosi një tjetër, del fotoja e autorit të ngjarjes së rëndë në Maliq

Ky është Violand Braçellari, autori i vrasjes së një efektivi polici dhe plagosjes së një tjetri në Korçë. Nga përplasja me armë humb i jetën...
09:31 | 04/06/2026