Shtohen aksidentet në qershor, rritje me 3% krahasuar me 2022-shin

Qershori ka shënuar një rritje të numrit të aksidenteve. Krahasuar më nje vit më parë nga 98 aksidente, për vitin 2023, janë shënuar 101, një rritje me 3.1%.

Të rinjtë janë shkaktarët kryesorë të tyre. Sipas të dhënave të INSTAT, grupmosha nga 25-34 vjeç, mbajnë numrin më të lartë të aksidenteve të kryera, me 30.7%. Pakujdesia, shpejtësia, përdorimi i alkoolit, lëndëve narkotike, janë disa nga faktorët. Aksidentet në këtë grup-moshë janë rritur me 14,8 %, krahasuar me të njëjtën periudhë të një viti më pare.

Nga ana tjetër, edhe pse kemi një rritje të aksidenteve, ka një rënie të viktimave ose dhe të plagosurve. Numri i të aksidentuarve rezulton 132 persona nga 141 në muajin Qershor 2022.

Ndërkohë në gjashtëmujorin e parë të vitit 2023, numërohen 528 aksidente rrugore nga 581 aksidente, të ndodhura në të njëjtën periudhë të një viti më parë. Numri i aksidenteve rrugore është ulur me 9,1 %.

Po ashtu dhe në gjashtëmujorin e parë numri i të aksidentuarve është 722 persona nga 821 persona të aksidentuar në gjashtëmujorin e parë të vitit 2022. Këmbësorët janë shkaktarët kryesorë, në 15,2 % të rasteve kanë ndodhur si pasojë e sjelljes së këmbësorit.

LEXONI GJITHASHTU: 

• Trafikonin flori dhe sende me vlerë, zbutet masa e sigurisë për të arrestuarit
• Publikohen pasaportat më të fuqishme në botë, ku renditet Shqipëria dhe Kosova