Shtohen ankesat për policinë, 291 raportime më shumë nga qytetarët në 2021-shin

Ankesat e qytetarëve për policinë janë rritur me rreth 20%.

Raportet zyrtare të agjencisë së mbikëqyrjes policore tregojnë se në vitin 2021 krahasuar me 2020-ën, denoncimet negative u shtuan.

291 ankesa më shumë janë administruar, ku dominojnë denoncimet e qytetarëve për gjobë të padrejtë, shkelje të etikës dhe procedurave standarde të punës, pasuar nga mosveprimi, njëanshmëria dhe veprimet arbitrare.

Në vitin 2020 nuk munguan as 103 ankesa për gjobë të padrejtë për mosmbajtjen e maskës apo rregulla të tjera të pandemisë COVID-19.

Gjatë 2 viteve që lamë pas janë regjistruar edhe 86 ankesa për shoqërim të padrejtë në komisariat.

Shumica e ankesave dominojnë kundër policisë së rendit, pasuar nga policia rrugore dhe ajo e hetimit të krimit.

• LEXONI GJITHASHTU:
• Policia kontrolle blic në Vlorë dhe Korçë për personat në kërkim
• Gazetari: Policia në shërbim të politikës, pse duan ta mbyllin vdekjen e Lear Kurtit