Shërbimit të Reanimacionit në Spitalin Universitar të Traumës i është shtuar një aparaturë e re e cila bën të mundur ofrimin e shërbimit të dializës pranë shtratit të pacientit, që ka pësuar dëmtime akute të veshkës apo gjendje septike si pasojë e traumave
“% më e lartë janë pacientëve paraqesin insuficiencë akute si rezultat i traumës, gjendjeve të rënda të shokut traumatik, që shoqërohet me alterime të funksionit renal që një pjesë të pacientëve ju kushton dhe jetën ky komplikacion”,-tha Rexhina Sturçe shefe e reanimacionit, spitali univeristar i Traumës.
Mungesa e kësaj aparature në shërbim i detyronte mjekët që të bënin transportin e pacientëve drejt Qendrës Spitalore Universitare Nënë Tereza, dhe rikthimin sërish në spitalin e traumës ndonjëherë dhe risqe të mëdha për jetën e pacientit.
“Shumica e këtyre pacientëve janë nën ventilim mekanik dhe nën respiracion të drejtuar. Ata paraqesin instabilitet dhe është shumë e vlefshme për këta pacientë se më parë detyroheshim t’i tranferonim këta pacientë në një njësi tjetër shërbimi”,-tha Struçe.
Kjo aparaturë lehtëson trajtimin e pacientit dhe përmirëson më mënyrë të ndjeshme shërbimin ndaj pacientëve, duke ndikuar edhe në rezultate më të larta të shërimit.
LEXONI GJITHASHTU:
- ‘Po instalohen aparaturat’, Manastirliu: Kur hapet spitali i Sëmundjeve të Brendshme
- 75-vjeçari humb jetën pasi hidhet nga lartësia te “Shefqet Ndroqi”, reagon spitali
