Shtyhet gjyqi për ekstradimin e turkut të kriptovalutave

Gjyqi për ekstradimin e turkut Faruk Fetih Ozer, i akuzuar për mashtrimin me kriptovalutat, është shtyrë për në 1 nëntor.

Shkak u bë mungesa e avokatit të tij mbrojtës, Klodian Skënderi, për shkak se ndodhet në SPAK.

Autoritetet turke të drejtësisë kanë transmetuar përmes Ministrisë së Drejtësisë materialet e plota që kanë të bëjnë me kërkesën për ekstradimin e tij.

Ai dyshohet se u fsheh për gati 1 vit në Shqipëri, deri kur u arrestua në një resort në bregdetin e jugut pak javë më parë.

Ozer u arrestua nga njësia speciale “FAST”, për kapjen e personave në kërkim ndërkombëtar.

Gjykata e Elbasanit vendosi masën e sigurisë ”arrest me burg” për Faruk Fatih Ozer, i cili u arrestua më 30 gusht pasi ishte shpallur në kërkim ndërkombëtar për mashtrim, që prej një viti nga Turqia.

LEXONI GJITHASHTU:

• Turqia kërkon ekstradimin e “bosit të kriptomonedhave”
• Me dokumente false në portin e Durrësit, arrestohet irakeni, procedohet turku