Shtyhet seanca për inceneratorin e Tiranës, zbardhet shkaku

Seanca e radhës për çështjen e inceneratorit të Tiranës është shtyrë për më 4 mars, në orën 13:30, për shkak të mungesës së avokatit të Jetmir Llapajt, i cili nuk mund të merrte pjesë për shkak të angazhimeve në një seancë tjetër.

Në këtë seancë pritej të dëgjoheshin konkluzionet e mbrojtjes për të pandehurit në këtë çështje, të cilët janë akuzuar për përfshirje në veprimtari kriminale lidhur me inceneratorin.

SPAK ka kërkuar dënime me burg për të pandehurit, përfshirë ish-ministrin Lefter Koka, i cili po gjykohet me gjykim të shkurtuar.

Pretenca e prokurorisë:

• Erjon Murataj: 4 vite burg, 2.8 vite për shkak të gjykimit të shkurtuar.
• Bledar Karoli: 4 vite burg, 2.8 vite për shkak të gjykimit të shkurtuar.
• Taulant Tusha: 4 vite burg, 2.8 vite për shkak të gjykimit të shkurtuar.
• Namik Simixhiu: 4 vite burg, 2.8 vite për shkak të gjykimit të shkurtuar.
• Valbona Ballgjini: 2 vite burg, konvertuar në shërbim prove për shkak të gjykimit të shkurtuar.
• Sidita Kopliku: 2 vite burg, konvertuar në shërbim prove për shkak të gjykimit të shkurtuar.
• Jetmir Llapaj: 2 vite burg, konvertuar në shërbim prove për shkak të gjykimit të shkurtuar.

Gjithashtu, kujtojmë se për çështjen e inceneratorit të Fierit, ish-ministri Lefter Koka është dënuar me 10 vite burg, por për shkak të gjykimit të shkurtuar, dënimi është zbritur në 6.8 vite. Po ashtu, për çështjen e inceneratorit të Elbasanit, ai është dënuar me 10 vite burg dhe gjithashtu do të vuajë 6.8 vite dënim pas hekurave për këtë çështje.

LEXONI GJITHASHTU:

• Inceneratori i Fierit: Pyeten 7 dëshmitarë në Gjykatën e Posaçme të Apelit
• Konfiskohen 12 pasuri të Lefter Kokës e ish-zyrtarëve të përfshirë me inceneratorët