“Shumë zhurmë”- Rama ndan foton nga stadiumi “Air Albania”, bën shqiponjën me Noizyn

Skuadra e Partizanit po ndeshet në “Air Albania” në një miqësore me ekipin italian të Romës.

Në stadium është i pranishëm dhe kryeministri Edi Rama, i cili ka ndarë një foto në krah të këngëtarit të njohur të muzikës rep, Noizy.

Shefi i qeverisë shihet teksa bën shqiponjën së bashku me reperin, ndërkohë që në mbishkrimin e fotos të postuar në facebook shkruan: “Zhurmë, zhurmë shumë, shumë zhurmë”.

Kujtojmë se më herë ishte vetë Rama i cili përmes një postimi në facebook njoftoi miqësoren mes Romës dhe Partizanit në 12 gusht në Tiranë, ku po ashtu tha se nuk do të mungojë as performanca e reperit Noizy.

Roma rikthehet në Tiranë 1 vit pas triumfit në Conference League ku nën drejtimin e Jose Mourinho mundën holandezët e Feyenoord dhe fituan kupën.

LEXONI GJITHASHTU:

• Rama për televizionin italian: Jemi një Itali e vogël, por më e lirë
• Rama për “La Stampa”: Turizmi “low cost”, jo shumë gjatë, synojmë atë elitar