“Shumica e pronave janë të Kryemadhit” – Zbardhet mbrojtja e Metës para Apelit

Partia e Lirisë ka zbardhur mbrojtjen e Presidentit të kësaj partie, Ilir Meta përpara Gjykatës së Apelit kundër Korrupsionit dhe Krimit të Organizuar.

Lidhur me akuzat në çështjen CEZ-DIA Meta thotë se dy dëshmitarët Romeo Kara dhe Elvis Mataj kanë qenë bashkëpunëtorë të ngushtë të Kastriot Ismailit në drejtimin e DIA-s.

Sipas tij, pasi hynë në konflikte me të për punë parash u përdorën nga Damian Gjiknuri si Ministër i Energjisë, si dëshmitarë në Arbitrazh në Vjenë kundër Kastriot Ismailit.

Lidhur me pretendimet për mosdeklarime të shpenzimeve, Meta thotë se i konsideron ato tërësisht tendencioze.

“Së pari, nuk mund të mbaj unë përgjegjësi për çdo shpenzim apo pakësim llogarish të familjarëve të mi apo edhe të ish-gruas dhe ish-vjehrrës time.

Së dyti, siç e kam shpjeguar në SPAK me plotësimin e formularëve të pasurisë merrej ish-bashkëshortja ime, e cila i ndiqte edhe me avokat edhe me noter të gjitha veprimet, edhe për arsyen se shumica e pronave dhe rrjedhimisht llogarive bankare ishin të saj dhe i ndiqte ajo.

Unë kam qenë në mirëbesim të plotë se ajo çdo gjë e bënte sipas ligjit.

Unë asnjëherë nuk kam refuzuar si individ të bëj deklarimin sipas nenit 5 të ILDKPI”, është shprehur Meta para Apelit.

LEXONI GJITHASHTU:

• Të martën del përpara gjykatës, Meta reagon nga burgu: Thirrja për simpatizantët
• Pse nuk pranon ta takojë në burg Monika Kryemadhin, përgjigjet Meta