Si Alibeaj e rrëzoi Berishën? Eksperti ligjor zbardh veprimet që u ndërmorën

Përfaqesuesi ligjor i Partisë Demokratike nga grupimi i Enkelejd Alibeajt, Indrit Sefa thotë se vendimi i Gjykatës së Apelit për vulën e kësaj force politike, ishte i pritshëm.

Në një intervistë për Euronews Albania, Sefa u shpreh se ka pasur shkelje proceduriale në Shkallën e Parë.

Sipas Sefës, gjyqtari Agron Zhukri, i cili njohu Statutin e Kuvendit të 11 Dhjetorit 2022, e mori vendimin në 40 minuta.

“Gjykata ka shpallur vetëm dispozitivën e saj dhe nuk ka dhënë argumentat se ku është mbështetur vendimmarrja e saj. Patjetër që brenda afatit ligjor ne do të njihemi edhe me vendimin dhe do shohim disa argumente me të cilat trupa gjykuese ka arritur në këtë konkulzion.

Ishte e pritshme. Ishte një kërkesë e jona që në ankim, që i jemi drejtuar Gjykatës së Rrethit Gjyqësor Tiranë dhe më pas Gjykatës së Apelit. Ishte një nga kërkesat tona sepse shkeljet proceduriale të kryera gjatë procesit të Shkallës së Parë, ishin të atilla që nuk mund të realizohej një proces i drejtë. Gjyqtari, në një seancë 40 minutëshe ka analizuar një provë që është 7 orë e gjysmë filmim, 5 mijë formularë dhe 500 fletë të tjera akte proceduriale”, theksoi ai.

LEXONI GJITHASHTU

• Gjykata nuk i dha vulën Berishës, Alibeaj bën ‘lëvizjen e radhës’ të hënën
• Rikthimi i 8 janarit? Avokati: Berisha në mënyrë demokratike të lëshojë selinë blu
• Berisha: Çështjen e vulës do ta çojmë në gjykatat ndërkombëtare