Si do zhvillohet protesta e 7 tetorit/Detaje nga mbledhja e Këshillit Kombëtar të PD

Protesta e parë kombëtare e opozitës e lajmëruar pas burgosjes së deputetit Ervin Salinji, është shtyrë për më 7 tetor, nga 6 tetor që ishte vendosur më parë.

Lajmi është bërë me dije në mbledhjen e Këshillit Kombëtar të PD të mbledhur pasditen e së dielës, ndërsa gazetari Ardit Hoxha ka mësuar edhe disa detaje rreth mënyrës si do organizohet protesta.

Mësohet se protesta e parë kombëtare e opozitës për vjeshtën nis në qendër të Tiranes dhe do shtrihet në të gjitha rrugët e kryeqytetit.

Sa i takon modelit te diskutuar, burime bëjnë me dije se do të jetë një protestë e zhvilluar në disa lokacione të ndryshme të Tiranës. Nuk do të ketë protestë që do zhvillohet vetëm në bulevard dhe me fjalime, si ato qe kemi parë në herët e mëparshme të protestave kombëtare që janë thirrur në kryeqytet.