Si do vijnë paratë e emigrantëve, me gomone? Ana tjetër e amnistisë sipas ekspertes

Ekspertja e Ekonomisë, Elivar Golemi thotë se amnistia fiskale sipas draftit të prezantuar nga qeveria shqiptare në muajin qershor tenton të bëjë një mbrojtje të plotë ligjore jo vetëm fiskale për para që vijnë edhe nga një aktivitet joligjor.

Në emisioni Now në Euronews Albania ekspertja shpjegoi se projekti i amnistisë fiskale të mbron edhe nëse burimi i tyre nuk është i ligjshëm.

“Gjatë kohës që do të bëhet deklarimi vullnetar, nëse ky individ brenda një periudhe 5-ditore nuk rezulton në listat e personave me të shkuar të dyshimtë, e kalon lumin, merr një letër nga shteti dhe shkon në bankë, derdh shumën pa i dhënë llogari bankës për burimin e të ardhurave”, tha ekspertja.

Ajo theksoi se ndërkombëtarët nuk janë kundër amnistisë fiskale por kundër procedurave.

“Nëse mua shteti shqiptar me jep të drejtë që lekët me thasë t’i sjell me gomone apo avionë që t’i zbardh në Shqipëri, po nga shteti në fjalë në doganë si do t’i deklaroj?” tha ekspertja.

LEXONI GJITHASHTU:

• Amnistia fiskale, Erebara: Qeveria po përpiqet të fitojë betejën me propagandë
• Përfaqësues i diasporës: Europa nuk e do amnistinë, se u ikin paratë e shqiptarëve