Si e marrin vendimin për të votuar qytetarët e Tiranës?

Barometri në Euronews Albania ka pyetur qytetarët e Tiranës për faktorët që ndikojnë tek miqtë e tyre në marrjen e vendimit për të votuar kandidatin për kryetarë Bashkie dhe vendin e parë e zë programi me të cilin konkurron me 76%.

Personaliteti i kandidatit për Kryetar Bashkie është një faktor që ndikon në zgjedhjen e kandidatit për kryetarë bashkie për 58.4% të kryeqytetasve.

Një faktor tjetër që ndikon në zgjedhjen e kandidatit për kryetar Bashkie me 37.3% është Partia apo koalicioni që e mbështet.

Të qenit kandidat nga partia që ka pushtetin qendrorë është një faktor që ndikon në marrjen e vendimit për ta zgjedhur kandidatin për Kryetar bashkie për 27.5% të qytetarëve të Tiranës.

Por nuk mbeten mbrapa as premtimet për favore personale apo familjare si punësim, lehtësira në biznes që për 22.5% të kryeqytetasve është një faktor që ndikon në zgjedhjen e kandidatit për Kryetarë Bashkie.

9.1% e qytetarëve të Tiranës ndikohen nga të afërmit apo familja kur zgjedhin kandidatin për Kryetarë Bashkie.

Për 8.7% të kryeqytetasve një faktor që ndikon në përzgjedhjen e kandidatit për Kryetarë Bashkie është edhe njohja personale me të.

Por 7.6% kryeqytetasit e kanë të rëndësishme që kandidati që do të votojnë të jetë i lindur në Tiranë ose të vij nga një familje me origjinë nga Tirana.