Diskriminimi është një fenomen që mbetet një problematikë në vendin tonë, e theksuar më së shumti te të rinjtë.
Komisioneri për Mbrojtjen e Diskriminimit, Robert Gajda shpjegoi në emisionin “Mirëmëngjes” në “Euronews Albania”, se si qytetarët mund t’i drejtohen këtij institucioni nëse kanë ankesa.
“Ne pranojmë ankesa në mënyra të ndryshme, si fizikisht në institucion, nëpërmjet e-maileve, postës, sinjalizimeve të ndryshme që na vijnë nga qytetarët. Edhe nëpërmjet zyrave rajonale që ne kemi, në Shkodër, Korçë dhe Fier. Të gjitha procedurat janë falas.
Një qytetar duhet vetëm të ankohet, të sjellë një dokumentacion minimal bazë që nevojitet për ngritjen e një ankese. Të gjitha procedurat bëhen nga ana e institucionit dhe përballohet nga ana e institucionit”, u shpreh Gajda.
Komisioneri nënvizoi se jo çdo shkelje ligjore apo padrejtësi është hetim në vetvete. Ai shtoi se në fillim bëhet një hetim paraprak për të parë nëse çështja e caktuar ka thelb.
Sipas tij, ligji parashikon që ngjarja, në rastin konkret diskriminmi, duhet të ketë ndodhur jo më vonë se para dy vitesh, pasi në të kundër qytetarët nuk kanë të drejtë të ankohen.
LEXONI GJITHASHTU
- Diskriminimi është i madh për të gjetur një vend pune, thotë studenti
- Në Shqipëri po theksohet diskriminimi ekonomik, sipas aktivistes
Pyetje: A Jane te diskriminuar prinderit we Kane lindur e ritur mbi 4 femije dhe nuk marin pension shtese per kontributi e dhene perkombin , ritjen e fuqise puntore ne burim .Pensioni I tyre eshte per buke thate , me gjithe kontributin e dhene per vendin . Shenim : te ritesh nje femije do the pakten 16 vjet nate e dite .Ju falenderoj, po ta merni ne considerate .