Si mund t’i jepet fund luftës në Ukrainë? Moska: Borrell e dha “formulën”

Rusia i ka bërë jehonë pretendimeve të bëra nga shefi i politikës së jashtme të Bashkimit Evropian, Josep Borrell, duke sugjeruar se lufta në Ukrainë do të përfundonte brenda dy javësh nëse Perëndimi ndalonte furnizimet ushtarake për Kievin.

Maria Zakharova, zëdhënësja e Ministrisë së Jashtme të Rusisë, deklaroi këtë të mërkurë se deklarata e Borrell është “formula” që i jep fund luftës në Ukrainë.

Sipas saj mjafton që Perëndimi të ndalojë furnizimin me armë për Kievin dhe lufta do të përfundojë.

“Borrell tha: Nëse ndaloni së furnizuari Kievin me armë, gjithçka do të përfundojë brenda dy javësh – këtu është formula e de-përshkallëzimit,” tha ajo.

Nga ana tjetër Kremlini refuzoi të komentojë mbi raportet ukrainase që deklaruan se parandaluan një komplot për vrasjen e presidentit Zelensky dhe zyrtarëve të tjerë të lartë të Kievit.

Zëdhënësi i Kremlinit Dmitry Peskov tha se ai nuk kishte asnjë koment mbi pohimin, por shtoi se nuk ka gjasa të jetë informacion i saktë.

Disa raporte sugjeruan se komploti ishte menduar si “një dhuratë” për presidentin rus Vladimir Putin në ditën e betimit të tij si President.

LEXONI GJITHASHTU:

• Ukraina: Kemi parandaluar një komplot rus, donin të vrisnin Zelenskyn
• Rusia sulmon rajonin e Ukrainës me dronë e artileri