Si ndikon hapja e listave tek mandatet? Shpjegon gazetari Ardit Hoxha

Vota preferenciale është një risi për zgjedhjet e 25 prillit.

Gazetari Ardit Hoxha shpjegoi në “Euronews Now” se ndryshe nga zgjedhjet e kaluara, këtë vit lista e kandidatëve është e hapur dhe mund të bëhen ndryshime.

Gazetari u shpreh se vota preferenciale do të përcaktojë renditjen finale të kandidatëve për deputetë, pavarësisht sesi ata janë renditur në momentin kur është dorëzuar lista në KQZ.

Ndërkaq, në zgjedhjet e 25 prillit pasi të mbarojë numërimi i votave për partinë, do të përcaktohet numri i mandateve që do të marrë partia në bazë të votave që ka marrë, e sipas gazetarit e para që del është herësi.

Ndërkohë me rëndësi edhe edhe pragu zgjedhor.

Nëse herësi është ndryshëm për çdo qark dhe çdo parti, pragu zgjedhor është 10.001.

Pra, nëse një deputet merr 10.001 mijë vota, ai automatikisht merr mandatin edhe pse mund të jetë në fund të listës.

Po kështu, në listat e deputetëve, 30% e tyre duhet të jenë vajza ose gra.