Eksperti rrugor Mamir Hodo ka shpjeguar dinamikën e aksidentit të ndodhur mesditën e së dielës tek “Rruga e Kavajës”, ku 39-vjeçari Ajas Sulejmani përplasi një çift dhe foshnjën e  tyre 3-muajshe teksa po kalonin vizat e bardha.

Në emisionin “Mirëmëngjes” në “Euronews Albania”, Hodo tha se ka qenë i pranishëm në vendngjarje kur ka ndodhur aksidenti dhe se semafori ka qenë në momentet e para të ndezjes së dritës së kuqe.

Eksperti rrugor tha se jeta e përdoruesve të rrugës u është rrezikuar si këmbësorëve ashtu edhe biçiklistëve, për arsye se drejtuesi i mjetit nuk ka bërë asnjë veprim për të mos u përplasur me çiftin, por ai ka bërë zhvendosje të tillë për të shmangur goditjen me këmbësorin i cili ishte në krahun e majtë.

Hodo u shpreh se mjetet nuk kanë qenë në qarkullim për shkak se semafori ka qenë i kuq, por drejtuesi i mjetit ka konstatuar këmbësorin nga 7 deri në 9 metra, para se të hynte në vijat e këmbësorëve.

Ai u shpreh se drejtuesi i mjetit do hetohet nga policia, teksa shtoi se ngjarja është në hetim për t’u zbardhur nga kamerat në lidhje me semaforin edhe pse mendohet se ka qenë e kuqe.

Eksperti shtoi se atij duhet t’i hiqet patenta sidomos me tetë shkeljet që kishte kryer dhe për këta persona që janë rrezik potencial në shoqëri policia duhet të kryejë testin e drogës.

LEXONI GJITHASHTU

• Video | Aksidenti tek “Rruga e Kavajës”, Euronews Albania siguron pamjet
• Aksidentoi çiftin me foshnjën, 39-vjeçari u shoqërua në polici 3 javë më parë
• Përplasi çiftin me foshnjën, kapet shoferi i makinës luksoze