“Si Shqipëria po mbetet pa port”, urbanisti ngre akuzat e forta në Now

Urbanisti Ardian Muka thotë se me projektin e ri të Portit të Durrësit, ku do të ndërtohet një kompleksh pallatesh dhe hotelesh, jo vetëm qyteti bregdetar, por i gjithë vendi do mbetet pa port.

Në emisionin “Now” në Euronews Albania, Muka u shpreh se të katër portet kryesore të Shqipërisë po jepen me koncension për marina turistike.

“Në zonën jashtë terminaleve, ata do fillojnë dhe do ndërtojnë plazh dhe pallate. Do ndërtohet një projekt urban, të shoqëruar me një marinë. Në Durrës, bashkë me këtë janë 4 marina në Durrës.

Janë 4 marina, jam dakord për investimet, Durrësit i duhen ndoshta edhe 14 marina. Por Durrësi po mbetet pa port. Jo vetëm Durrësi, por Shqipëria po mbetet pa port. Të katër portet kryesore të Shqipërisë po jepen me koncension për marina”, theksoi ai.

LEXONI GJITHASHTU

• Ç’ndodhi me Alabbar? Drejtori i Portit të Durrësit sqaron ngërçin për projektin e ri
• “O zotëri, a do ta qepësh?”, Shabani përplaset me Drejtorin e Portit të Durrësit
• Hereni përplaset me ish zv.kryeministren: Mos fol se bën gabime, s’të ka hije