Si të mos hedhin më produkte? Rama propozon zgjidhen për fermerët

Në një takim me fermerët në Lushnje, kryeministri Edi Rama ka propozuar një zgjidhje për fermerët në mënyrë që të mos hedhin produktet e tyre.

“Grupim fermerët, fusni një shumë të caktuar si aksion, bashkia një shumë tjetër, qeveria shton shumën kryesore, ju ndihmon të dhe me marrjen e një kredie dhe krijojmë një Kombinat për të prodhuar reçelra, komposto e salca dhe nuk hidhni më asnjë kokërr frute apo zarzavate se nuk e përmbush cilësinë e arkave për eksport, pjesa tjetër shkon për përpunim,” – deklaroi Rama.

Kryeministri solli në vëmendje se ka fermerë që e hedhin mollën në kanal, ashtu siç ka fermerë që e eksportojnë atë.

Sipas tij synimi është që të arrihet vlera e 1 miliard euro eksporte.

Rama nuk la pa sulmuar mediat të cilat nxjerrin në pah vetëm një anë të monedhës me synimin e vetëm për të sulmuar qeverinë.

LEXONI GJITHASHTU:

• “Mediat bashkë për rrëzimin e qeverisë”, Rama: Vaji i ullirit duhet certifikuar
• Balla sulmon Berishën dhe Metën: S’jua kemi parë hajrin as veç e veç