Ernest Tushe, ish-i përndjekur politik rrëfeu për Euronews Albania historinë e dashurisë me vajzën e ambasadorit italian.
Ai tregoi se ishte një 18-vjeçar i cili luante basketboll dhe me vajzën e ambasadorit u takuan krejt rastësisht. Nisën të flisnin, duke qenë se dhe Tushe dinte shumë mirë italisht dhe herë ajo shkonte te stërvitja e tij, herë Tushe te stërvitja e saj në tenis.
“Kjo u trash pak derisa përfundoi në dashuri,” – u shpreh Tushe, i cili tha se kjo histori është bërë film me regjisor Namik Ajazin dhe pjesëmarrje italo-shqiptare.
Ish-i përndjekur politik kërkoi hapjen e dosjeve dhe tregoi se e ka marrë dosjen e tij kur Autoriteti i Dosjeve nuk ishte ngritur fare.
Tushe tha se është dënuar kur ka qenë 19 vjeç dhe spiunët e tij kanë qenë miqtë që nuk ishin të pranishëm në sallën e gjyqit kur u dënua.
LEXONI GJITHASHTU:
