Si u kërcënua Vuçiç nga SHBA dhe BE? Shala: Gjithçka lidhet me familjen e tij

Kryeministri i Kosovës, Albin Kurti, tha të hënën se ai pranon propozimin evropian për normalizimin e marrëdhënieve me Serbinë, ndërkohë nga ana tjetër presidenti serb Aleksandër Vuçiç, e ka lënë të kuptohet se do të pranojë propozimin, duke paralajmëruar për pasojat që mund të ketë Serbia nëse e refuzon atë.

Në lidhje me këtë analisti Drizan Shala në një intervistë për Euronews Albania, theksoi se pranimi i  propozimit nga Vuçiç ka ardhur për shkak të kërcënimeve dhe presioneve ndërkombëtare.

Ai tha se çdo gjë lidhet me familjen e tij pasi Vuçiç mund ta shoh veten në listën e zezë.

“Ka pasur presione dhe kërcënime nga SHBA dhe BE për Vuçiç. Gjithçka lidhet me familjen e tij. Ka indicie se nëse Vuçiç nuk do të pranonte marrëveshjen mund ta gjente veten në listën e zezë të SHBA-së. Mendoj se ky presion diplomatik ka treguar dhe ka dhënë rezultatin ku tashmë kemi një situatë të re e cila mund të sjellë rregullimin e marrëdhënieve”- theksoi ai.

LEXONI GJITHASHTU: 

• Video/ Masa e sigurisë për Alda Klosin, mbërrijnë në spital prokurorja dhe gjyqtari
• Sfidat e sigurisë kibernetike, Kim: Mbështetje të plotë për Shqipërinë