Siguria në punë në RMV, 567 persona kanë humbur jetën në 16 vite

Të jesh punëtor në Maqedoninë e Veriut do të thotë të punosh si në një zonë të minaur. Kështu vlerëson Millan Petkovski nga Shoqata për Mbrojte të punëtorëve gjatë punës. Gjatë shënimit të ditës ndërkombëtare për siguri dhe shëndet në punë, Petkovski kujtoi se shteti nuk po bën mjaftueshëm për ti mbrojtur punëtorët.

“Ne jemi shtet me rrezikshmëri të lartë në vendin e punës. Ka shumë më shumë gjasa që këtu të humbim jetën në vendin e punës, të sëmuremi apo lëndohemi. Po bëhemi të verbër ndaj fushës së minuar të quajtur vend pune. Ne duam të dërgojmë mesazh se siguria në vendin e punës është e drejtë themelore e njeriut që nuk mund të cenohet”, Petkovski.

Sipas të dhënave të Organizatës për Siguri në Punë, gjatë vitit të kaluar në Maqedoninë e Veriut kanë humbur jetën 22 persona persona të cilët simbolikisht u përkujtuan me nga një pemë të mbjellur për secilën jetë të humbur.

Në total në 16 vite kanë vdekur 567 punëtorë. Viti më i kobshëm ka qenë viti 2008 me 62 të vdekur, ndërsa në 2016 ka pasur numrin më të ulët, apo 19 të vdekur.

2008 – 62 të vdekur

2009 – 44 të vdekur

2010 – 45 të vdekur

2011 – 44 të vdekur

2012 – 44 të vdekur

2013 – 28 të vdekur

2014 – 42 të vdekur

2015 – 39 të vdekur

2016 – 19 të vdekur

2017 – 24 të vdekur

2018 – 33 të vdekur

2019 – 25 të vdekur

2020 – 25 të vdekur

2021 – 30 të vdekur

2022 – 22 të vdekur

Sektori më i rrezikshëm është bujqësia, apo pasojat fatale nga aksidentet me makinat e rënda punuese.

“Sektori civil është i vetmi i cili mban një regjistër për të gjithë ato viktima që kanë humbur jetën gjatë ushtrimit të punës së tyre apo që janë sëmurë rëndë si pasojë e punës që kanë bërë, ndërsa shteti deri më tani nuk ka vendosur asnjë regjistër kombëtar në të cilin do të evidentoheshin të gjithë ato punonjës që kanë humbur jetën gjatë orarit të tyre të punës”, tha Ferikan Iljazi, gazetare e Euronews.

Regjistri kombëtar sipas sektorit civil, është i domosdoshëm për të krijuar politika të mbrojtjes së punëtorëve dhe ndëshkimit të atyre që nuk mbajnë llogari për shëndetin dhe jetën e tyre.