Nga 1 janari automjetet me targa të Kosovës mund të hyjnë në Serbi, duke i dhënë fund një mosmarrëveshjeje të gjatë mbi këtë çështje.
Deri më tani, automjetet nga Kosova ose Serbia mund të kalonin kufirin vetëm nëse vendosnin letra për të fshehur simbolet përkatëse.
Në të gjitha vendkalimet, Ministria e Punëve të Brendshme të Serbisë, ka vendosur njoftime ku thekson se lejimi i automjeteve me targa RKS për të hyrë në Republikën e Serbisë nuk do të thotë njohje e shtetësisë së Kosovës.
Kryeministri i Kosovës Albin Kurti tha se ai personalisht gjithmonë ka kërkuar, sipas tij, reciprocitet mes dy vendeve. Por Qeveria e Kosovës do të marrë vendimin për heqjen e afisheve për targat serbe vetëm kur të bindet se Republika e Serbisë e respekton vendimin i cili është i vlefshëm nga e hëna.
Po ashtu banorët e Kosovës tani mund të udhëtojnë në Bashkimin Evropian pa viza, për periudha deri në 90 ditë.
LEXONI GJITHASHTU:
- Meta reagon për liberalizimin e vizave për Kosovën: Arritje plotësisht e merituar
- Kosova kundërshton KE-në për heqjen e vizave për shtetasit me pasaporta Serbe
