Sipërmarrësi: Çmimi i bukës nuk u rrit nga mielli, por për arsye të tjera

Sipërmarrësi Adi Haxhiymeri deklaroi se çmimi i bukës nuk u rrit nga mielli.

Në një intervistë për Euronews Albania, Haxhiymeri u shpreh se bizneset e rritën çmimin për arsye të tjera.

“Ndërprerja ka dhënë efektet e veta. Brenda 24 orëve çmimi në bursë u rrit me 9%. Por në tregjet e përpunimit rezistojnë deri në momentin që duhet të riblejnë. Për momentin, për arsye të miellit, nuk ka rritje.

Arsye mund të ketë sa të duash, mund të jetë kursi i konvertimit, mund të jetë rritja e energjisë, ambalazheve, pagave, kosto të ndryshme. Për arsye të miellit nuk mund të ketë rritje të çmimit të bukës. Për momentin është kjo situatë”, theksoi ai.

Rusia ka njoftuar pezullimin e marrëveshjes që lejon Ukrainën të eksportojë grurë nga portet e saj të Detit të Zi.

Moska u tërhoq nga marrëveshja e ndërmjetësuar nga OKB të shtunën, duke pretenduar se Ukraina kishte përdorur një korridor sigurie në Detin e Zi për të sulmuar flotën e saj.

LEXONI GJITHASHTU

• Rusia bllokon eksportin e grurit ukrainas, Haxhiymeri: Kemi rezerva për 3 muaj
• Rusia pezullon marrëveshjen për eksportin e grurit ukrainas
• Rusia “po rekruton ushtarë afganë të trajnuar nga SHBA-ja”