Situata në Kosovë, Rama sot udhëton drejt Brukselit

Kryeministri Edi Rama do të takohet sot ne Bruksel me presidentin e Këshillit të BE-së, Charles Michel.

Takimi vjen pas letrës së dërguar ndaj presidentit francez dhe kancelarit gjerman për një shtysë të re nga BE për zbatimin e planit franko-gjerman si zgjidhje për tensionet Kosovë-Serbi.

Kryeministri shqiptar i ka kërkuar presidentit francez Macron dhe kancelarit gjerman Scholz të ndërhynin për të bërë të mundur zbatimin e planit franko-gjerman për Kosovën.

Në një konferencë për mediat javën që lamë pas Rama theksoi se nuk do të ketë asnjë përparim të takimeve apo marrëveshjeve në kuadër të Open Balkan për sa kohë Serbia nuk liron 3 policët e Kosovës, Rama akuzoi sërish Albin Kurtin se po rrezikon marrëdhëniet e Kosovës me bashkësinë euroatlantike.

Sipas tij, marrëdhëniet e Kurtit me BE-në dhe SHBA-në, janë në fazën më të keqe teksa vizitat e planifikuara po i kthehen mbrapsht dhe nuk po i hapet asnjë derë.

LEXONI GJITHASHTU:

• Rama: Finalizohet kalendari kulturor dhe artistik, tashmë çdo gjë në 1 aplikacion
• Rama: Nuk ka më asnjë takim “Open Balkan” pa u liruar policët