Situata në PD, Tabaku: Nuk kam dijeni për mbledhje firmash

Deputetja e Partisë Demokratike, Jorida Tabaku, ka reaguar në lidhje me zhvillimet e brendshme në selinë blu, ku u raportua se ka nisur një proces për mbledhjen e firmave nga deputeti Ervin Salianji për tu zgjidhur në krye të grupit parlamentar.

Tabaku në fjalën e saj tha se nuk ka dijeni të ketë nisur një proces për mbledhje firmash. Ajo shtoi se fokusi personal është që ta bëjë Partinë Demokratike më të besueshme se qeverinë duke e shndërruar në një forcë fituese.

“Jam përpjekur gjithmonë për të qenë konstruktive. Nuk më ka thirrur asnjë për mbledhje grupi dhe nuk kam asnjë dijeni se po mblidhen firma, çfarë po ndodh apo cili është procesi. Unë kam vetëm një qëllim në parlament dhe dua ta transmetoj, si në parlament ashtu edhe në Partinë Demokratike, ta bëjmë Partinë Demokratike forcë fituese, ta bëjmë PD-në alternativë. Është e papranueshme sot që opozita është më pak e besueshme se qeveria. Unë për këtë do të punojë çdo ditë”, tha Tabaku.

LEXONI GJITHASHTU: 

• Meta: Borxhi i radhës prej 500 milionë euro do të rëndojë mbi qytetarët
• Spiunët jashtë politikës? Balla: PD po pengon nismën e PS
• Balla: Do të ndryshojmë urgjentisht ligjin për Komisionet Hetimore