Situatë e rëndë në juglindje të vendit, përmbytet fusha e aviacionit në Lumalas

Situatë e rëndë është regjistruar në juglindje të vendit pas reshjeve intensive të shiut gjatë orëve të fundit.

Në një lagje në fshatin Sovjan janë evakuuar 4 familje nga forcat e policisë dhe zjarrfikësit, pasi kanalet kulluese kanë dalë jashtë funksionit për shkak të prurjeve të mëdha.

Situatë problematike paraqitet edhe në fushën e Maliqit, ku sipërfaqet e tokave të përmbytura janë shumë të mëdha.

Ndërkohë, situatë e rëndë paraqitet edhe në fushën e Korçës, në fshatrat Çiflig, Bulgarec e Lumalas, ku nga reshjet e shiut është përmbytur edhe fusha e aviacionit në Lumalas.

LEXONI GJITHASHTU:

• Evakuohen 4 familje në fshatin Sovjan, kanali del nga shtrati! Përmbyt disa shtëpi
• Vështirësi nga reshjet në vend: Ndërhyjnë Forcat e Armatosura, evakuuohen familje