Tirana e ka lënë pas humbjen ndaj Vllaznisë, ndërsa vijon përgatitjet për përballjen e kupës, e cila është ajo ndaj Bylisit dhe luhet të martën.
Bardheblutë po stërviten në kompleksin “Skënder Halili”, ndërsa grupi është i plotë, duke bërë që trajneri peqinas, Gugash Magani të jetë i qetë në këtë aspekt. Në konferencën e zakonshme për mediat, tekniku analizoi duelin me ballshiotët.
“Ne jemi të vendosur të futemi për kualifikim, natyrisht ndeshja ka 3 rezultate, specifika e kupës me 1 ndeshje 90 + nëse nuk e zgjidh, megjithatë futemi dhe kam bindjen që do fitojmë, mbetet për tu parë”, tha Gugash Magani, trajner i Tiranës.
Më tej, Magani ka shtuar që situata mbetet shqetësuese, sidomos në kampionat.
“Patjetër situata është shqetësuese, këtë trysni mos ta mbajmë. Përgjegjësin kryesore e kam vetë, kam mundësitë që ta zgjidhim situatën, organika po plotësohet dita ditës. Ne 10 ditë kompletohemi, lojtarët e rinj vijnë në formë”, u shpreh Magani.
Deri më tani bardheblutë kanë bërë 3 afrime, Smacin, Ernest dhe braziliani Silva.
LEXONI GJITHASHTU:
- Rrapaj prezantohet në Ukrainë, Partizani përfiton 600 mijë euro
- Rrapaj shkëlqen në ndeshjen e fundit me Partizanin, aventura e re në Ukrainë
