Rrapaj shkëlqen në ndeshjen e fundit me Partizanin, aventura e re në Ukrainë

Aventura te Partizani është mbyllur në mënyrën më pozitive për Arinaldo Rrapaj, që largohet pas 4 vitesh si futbollist i demave. Vlonjati shkëlqeu në sfidën përmbyllëse, duke shënuar dhe asistuar në përballjen me Vllazninë të luajtur pasditen e së premtes. 23-vjeçari e nisi si titullar, duke dhuruar një tjetër performancë spektakolare, ku dha shkëndija që në minutën e dytë, kur asistoi për Carën, i cili zhbllokoi rezultatin.

Në fraksionin e dytë, do të ishte po Rrapaj që në hyrje të zonës së rreptësisë goditi saktë dhe dyfishoi avantazhin për të kuqtë. Kjo ishte një ndeshje për të mos u harruar për të, që largohet nga Partizani në drejtim të kampionatit ukrainas, aty ku e pret ekipi i Kolos Kovalivka.

Nga ky transferim, të kuqtë përfitojnë 600 mijë euro, ndërsa interes ndaj tij ka pasur edhe nga ekipe të tjera. Kujtojmë që në janar pritet që edhe sulmuesi kavajas Cara të nisë një aventurë të re diku tjetër.

LEXONI GJITHASHTU:

• Dinamo mposht Tiranën dhe merr kreun e Superligës, Partizani ndalet nga Elbasani
• Serbia pa tifozë në përballjen kundër Shqipërisë për kualifikueset e Botërorit