Ermira Kaçaçi, nëna e 31-vjeçarit Gerti Shehu i cili sot sulmoi me grusht kreun e PD Sali Berisha tha se i biri nuk është militant me asnjë parti, madje as për të votuar.
Në një intervistë për Euronews Albania, nëna e 31-vjeçarit mohoi në mënyrë kategorike që djali i saj të jetë militant i ndonjë force politike, ndërsa shprehu keqardhjen që fatkeqësia e tij të shfrytëzohet politikisht.
“Nuk është simpatizant i askujt, nuk ka marrë pjesë asnjëherë në protesta. Shkoi sot për gjëmën e tij dhe timen dhe llafet e atyre që po e shfrytëzojnë politikisht. I kërkoj ndjesë Berishës por ai duhet ta shohë një herë kush është, më vjen keq që po merren me një fatkeqësi. Po shfrytëzojnë fatkeqësinë e një njeriu për politikë”, tha ajo.
LEXONI GJITHASHTU:
“Pinte tegretol”, nëna e Gert Shehut: Djali im nuk është kontigjent policie
Ekskluzive| Flet nëna e Gert Shehut: Djali ka 5 vjet që mjekohet
