S’ka rritje të çmimit të biletës për transportin ndërqytetas, thonë drejtuesit

Përfaqësuesi i shoqatës së transportit ndërqytetas, Shpëtim Vrioni u shpreh se çmimi për biletat ka mbetur i njëjti, por janë vetëm disa raste sporadike ku ka pasur rritje.

Ai sqaroi se dhe ajo shoqëri që ka rritur biletën tashmë e ka ulur përsëri dhe ishte një rast abuziv i cili nuk duhet përsëritur.

Ndërkohë, bashkëdrejtuesi Kujtim Mema nuk e cilësoi rritjen e çmimit të biletës si matje e pulsit të qytetarëve, por ka ndodhur sepse kur nafta u rrit dhe të gjithë e rritën biletën, Durrësi nuk e rriti biletën.

Kujtojmë se kjo rritje sporadike, siç e quajtën Vrioni dhe Mema ka ndodhur për linjën Tiranë-Durrës.

LEXONI GJITHASHTU:

• Këshilli i Bashkisë Vlorë rrit çmimin e biletës për transportin urban