S’ngjitet dot në katin e 6 të pallatit, pamundësia rikthen të moshuarën në kontejner

Mendoi se më ne fund nuk do të qëndronte më në kontejner. Mbas tre vitesh të vështira, Emine, mori çelsat e shtëpisë së rindërtuar. Por fati përsëri nuk ishte me të.

“Ngela këtu mu zu fryma, zemra ime ja bën bam bam…”- shprehet Emine Dokuci, banore në Manzë.

Apartamenti i ri, ndodhet në katin e fundit të pallatit, në të 6-tin. Emine e ka të pamundur ti ngjisë këto shkallë.

“Po do marrësh një bukë, ku do derdhësh plehrat”- shton ajo.

Pallatet e reja, pjesë e procesit të rindërtimit, kanë të vendosur ashensorë. Por asnjëri nuk punon.

“Apapa si  bëra, ujë… s’jam e zonja më mirë po vdes, po pi helm edhe..”- thekson e moshuara.

Emine nuk arriti të ngjitet deri në katin e 6-të.

“Jam e sëmurë, më dhembin gjunjët, mezi qëndroj në këmbë”- thekson Dokuci.

Vendosi të rikthehej në kontejner.

“ jo nuk do vete më aty, do rri këtu”- përfundon ajo.

Tre vite pas termetit të 26 nëntorit, në Manzë, janë të paktën 8 familje, që janë në pritje, të letrës, se tashmë do të kenë një shtëpi.

LEXONI GJITHASHTU: 

• Tërmeti i 26 nëntorit, Gjykata liron ish-drejtorin e ALUIZN-it dhe 3 të tjerë
• ‘Dua të dhuroj kontejnerin’, gjesti human i 51-vjeçarit që tërmeti i shembi shtëpinë