Softa: Agjenti i Vis Martinajt s’ka vepruar i vetëm, të hetohen drejtues të policisë

Eksperti i sigurisë publike, Fatjon Softa mendon se efektivi Jeton Lami, i cili shërbente si agjenti i të shumëkërkuarit, Ervis Martinajt, nuk ka vepruar i vetëm, por ka marrë ‘leje’ ka drejtues të policisë.

Në emisionin “Review” në Euronews Albania, Softa nënvizoi se duhet të hetohen ata që e kanë lejuar Jeton Lamin që t’i shërbejë Ervis Martinajt.

“Ky patjetër është një person kyç. Ky nuk mund të jetë person i vetëm. Një punonjës policie nuk mund të jetë kurrë pa dijeninë dhe pa lejen e një drejtuesi. Një njeri që është gjatë gjithë kohës pas një personi, nga mëngjesi deri në darkë, do të thotë që ky nuk paraqitet në repartin e tij, nuk paraqitet në strukturën e tij.

Ky person ka pasur lejen e komandantit të tij, ka pasur lejen e një personi tjetër që ka qenë më lart se komandanti. Duhen marrë nën hetim dhe duhet të hetohen të gjithë ata persona, të cilët përbëjnë atë që thuhet zinxhir”, theksoi ai.

LEXONI GJITHASHTU

• ‘E njoh Ervis Martinajn’, Prençi: Si filloi përplasja mes tij dhe politikës
• Si do të përfundojë çështja e Ervis Martinajt? Flet gazetari Ferhati

• Eksperti: Çështja e Ervis Martinajt, e ngjashme me italianin që inskenoi vdekjen