Softa: Policia nuk ushtroi dhunë, ishte profesionale me muxhahedinët

Eksperti i sigurisë Fatjon Softa tha në një intervistë për “Good Morning Albanians” në Euronews Albania se policia u tregua profesionale ditën e djeshme me kontrollet brenda kampit MEK.

Ai sqaroi se ndaj muxhahedinëve nuk është ushtruar dhunë.

“Fakti që zoti Rrumbullaku thotë që rreth orës 8 ne kemi kërkuar të kontaktojmë me 6 drejtuesit kryesorë të kampit, tregon që i kanë vënë në dijeni për aksionin dhe për vendimin e gjykatës. Policia ishte në zbatim të një vendimi gjykate për të ushtruar një kontroll brenda këtyre ambienteve. Sigurisht kishte dhe forca speciale, sepse mund të kishte reagime që mund të ishin jo thjesht protestuesit, por mund të kishtee dhe informacione për të cilat patjetër forcat speciale duhet të ishin prezente.

Përdorimi i asaj që thanë ‘kishin gaz lotsjellës, po na godasin’ u vërtetua qoftë edhe nga një banor, që tregoi se bombolat e përdorura nga policia ishin me përdorim vetjak. Çdo punonjës policie mund të ketë një bombol që e përdor në rastet e ushtrimit të dhunës apo kundër reagimit të qytetarëve. Policia ishte shumë e kompletuar; kishte edhe vetë filmimet e saj; kontrollin që bëri me dron për monitorimin e territorit, që të krijonte mundësinë e pasqyrimit të çdo lloj incidenti,” – u shpreh Softa.

LEXONI GJITHASHTU:

• Zbardhet hetimi i SPAK për banorët e MEK, rreth 150 pajisje të sekuestruara
• Aksioni në MEK| Provokon gazetari: Rama e bën që ta marrin në telefon ndërkombëtarët