Soko: Gjobat në vendin tonë janë si ligji në dorën e Maliqit te 14-të vjeç dhëndër

Eksperti i ekonomisë Pano Soko, i ftuar në emisionin “Review” në Euronews Albania, është shprehur se gjobat në vendin tonë janë si ligji në dorën e ‘Maliqit’, pra kur do gjuan dhe kur nuk do hap krahun.

Soko tha se një gjobë për mosdeklarim fature në vendin tonë është bërë 15 milionë lekë të vjetra dhe sipas tij kjo ka të bëjë me fushatën elektorale të zgjedhjeve lokale të vitit 2023.

Ai tha se po i bëhet presion çdo biznesi në vend.

“Gjobat në Shqipëri përpara se të ankimohen duhen të paguhen. U tentua  njëherë në 2016, u rrëzua nga Gjykata Kushtetuese. Bëri Këshillimin Kombëtar dhe po e mbështet dhe njëherë këtë, ku e ka hallin, pse i bën gjobat 10-fish? E ka hallin te fushata elektorale, është presion që i bëhet çdo biznesi.

Gjoba është si shkop presioni në dorën e Maliqit te 14-vjeç, që kur do gjuan dhe kur do hap krahun. Biznesi e di këtë gjë. Është bërë 15 milionë lekë një gjobë për mosdeklarim faturash. Gjoba përpara se të ankimohet mbyllet”- deklaroi Soko.

LEXONI GJITHASHTU: 

• Paketa fiskale e 2023, Qiraxhi: Shteti më shumë parashikon të marrë sesa të jap
• A do rriten taksat për qytetarët në vitin 2023? Përgjigjet gazetarja
• Fermerët e Gramshit në krizë, ka prodhime bujqësore, por çalon shitja e produkteve