“Solli paqe në një kohë të trazuar”, Rama në Bruksel: Nderim për Oliver Röpke

Kryeministri Edi Rama ndodhet në Bruksel ku mori pjesë në një seancë të veçantë plenare të mbajtur në Parlamentin Europian, për të nderuar Presidentin në largim të Komitetit Ekonomik dhe Social Europian (KESE), Oliver Röpke.

Në fjalën e mbajtur me këtë rast, Rama theksoi rëndësinë e dialogut dhe vlerësoi ndikimin e Röpke në forcimin e urave midis institucioneve dhe qytetarëve të Europës.

“Ky është një moment për të kremtuar punën e një njeriu të jashtëzakonshëm. Si një superhero i heshtur europian dhe ky përkushtim i yti, ka frymëzuar udhëheqjen tuaj në krye të Komitetit Ekonomik Social. Kur e morët detyrën, Europa ishte në atë që mund të përshkruhet si stuhi. Njerëzit harrojnë se çfarë ka kaluar, si lufta në Ukrainë, pandemia, çështjet ekonomike që vuajnë vendet, përfshirë Shqipërinë. Duket si epoka e gurit… por ne nuk mund të  harrojmë që në atë kohë nuk kishim hapur asnjë grup kapitujsh. E megjithatë, përmes kësaj trazire dhe paqëndrueshmërie, ju sollët paqe, përfshirë edhe tek skeptikë si mua. A nuk është prova që  mrekullitë ndodhin?” tha Rama.

LEXONI GJITHASHTU:

• Rama nga Kolegji i Bryzhit: Shqipëria në rrugën e duhur drejt anëtarësimit në BE
• Euronews Albania siguron programin që do të prezantojë Rama në parlament