Sondazhi i Studentëve këtë vit do të bëhet publik, thotë drejtuesja e ASCAL

Rezultatet e Sondazhit Kombëtar të Studentëve për vitin 2022 do të bëhet publik, rreth muajit shtator.

Kështu tha Xhiliola Bixheku, drejtoreshë e Agjencisë së Sigurimit të Cilësisë në Arsimin e Lartë tha në emisionin Mirëmëngjes në Euronews Albania.

Ajo tha se sondazhi për këtë vit do të shtyhet deri në 5 qershor, duke qene se periudha e plotësimit të tij përkoi me disa festa dhe ditë pushimi.

“Në fund të qershorit duam të marrim rezultatet paraprake dhe në shtator do të miratohet dhe publikohet”, tha Bixheku.

Drejtoresha e ASCAL mohoi se sondazhi mund të plotësohet njëkohësisht nga disa studentë.

“Kodi është specifik për një student dhe është e pamundur që linku të dërgohet në një adresë tjetër pasi ajo gjeneron kodin që është i ndryshëm për secilin student”, tha ajo.

LEXONI GJITHASHTU:

• Shkarkimi i drejtorëve të arsimit është shqetësues, sipas ekspertes
• Gjuha shqipe për herë të parë në Harvard