Shumica e qytetarëve serbë besojnë se do të jetonin më mirë nëse do të arrihej një zgjidhje mes Beogradit dhe Prishtinës.

Mirëpo, kur pyeten se cila zgjidhje është e pranueshme për ta, ata më së shpeshti përgjigjen se dialogu duhet të vazhdojë, por jo për njohje dhe pa organizim të përkohshëm, shkruan Euronews Serbia.

Të tilla rezultate ka treguar një sondazh i kryer së fundmi nga Qendra për Kërkim, Transparencë dhe Përgjegjësi (Crta), për qëndrimet politike të qytetarëve të Serbisë.

Qëllimi i hulumtimit, i realizuar nga data 24 shtator deri më 3 tetor, siç thekson Crta, ishte të krijohej një pasqyrë e pikëpamjeve të qytetarëve lidhur me temat kryesore sociale dhe politike, të brendshme dhe të jashtme.

Qytetarët serbë janë të ndarë kur bëhet fjalë për pritjet nëse situata në Kosovë do të përkeqësohet në mënyrë dramatike në muajt e ardhshëm, madje 70 për qind e të anketuarve nuk presin që dialogu me Prishtinën të sjellë stabilitet dhe paqe të qëndrueshme.

Për qytetarët serbë, kur bëhet fjalë për Kosovën, status quo-ja është më e pranueshme dhe besojnë se një nga arsyet për këtë, është fakti se ata janë të vetëdijshëm se qëndrimet e dy palëve janë aq të papajtueshme saqë është vështirë të arrihet një zgjidhje.

LEXONI GJITHASHTU

• ‘Nesër heqim flamurin’, kryekomunari i Preshevës: S’duam përshkallëzim të situatës
• ‘Më dërgojnë në gjyq’, kryekomunari i Preshevës: Serbët vëzhgojnë kur vëmë flamurin
• Abazi: Asosacioni, ‘gozhdë’ për Kosovën në rrugën drejt finalizimit të marrëveshjes