Sorensen flet pas takimit me zv.kryeministrin e Kosovës: Tani do nisem për Beograd

Emisari i Bashkimit Evropian për dialogun Kosovë-Serbi, Peter Sorensen tha se vizita e tij në Kosovë është në kuadër të ushtrimit të mandatit të tij. Pas takimit me kreun e ekipit negociator të Kosovës, zëvendëskryeministrin në detyrë, Besnik Bislimi, diplomati danez tha se do udhëtojë për në Beograd.

“Ekipi im dhe unë jemi duke zhvilluar vizita në nivel pune, kjo është një pjesë e zakonshme e misionit tonë, dhe do të shihni edhe vizita të tjera të ngjashme në të ardhmen. Jam shumë i lumtur që jam këtu. Nga këtu do të vazhdoj për në Beograd, dhe më pas do të kthehem në Bruksel. Kaq për tani”, tha Sorensen.

Takimi i Sorensenit me Bislimin është zhvilluar në ndërtesën e Qeverisë së Kosovës dhe ka zgjatur më shumë se një orë.

LEXONI GJITHASHTU:

• Sorensen dhe Komandanti i KFOR diskutojnë për situatën e sigurisë në rajon
• Paqja fiskale/Rama në Elbasan: Tatim-fitimin e kemi vendosur 15%, s’do e lëvizim