Sot mbahen zgjedhjet lokale në Tuz, 4 koalicione dhe 3 parti në garë

Ditën e sotme në komunën me shumicë shqiptare, në Tuz të Malësisë, mbahen zgjedhjet vendore ku garojnë 4 koalicione dhe tri forca politike të pavarura.

Procesi i votimit ka nisur në orën 7:00 të mëngjesit në 12 qendra votimi dhe pritet të përmbyllet në orën 19:00, ndërsa janë rreth 12 mijë shtetas me të drejtë vote.

Në koalicionin “Forumi shqiptar” të udhëhequr nga Alternativa Shqiptare e kryetarit aktual të komunës së Tuzit, Nik Gjeloshaj, bëjnë pjesë edhe Lidhja Demokratike e Shqiptarëve, Unioni Kombëtar Shqiptar dhe Lidhja Demokratike në Mal të Zi.

Në anën tjetër gjendet koalicioni i gjerë i përbërë nga Partia Demokratike Socialiste, e presidentit aktual Milo Gjukanoviq, Socialdemokratët, Partia Boshnjake dhe Unioni Demokratik i Shqiptarëve .

Këto dy lista cilësohen si konkurrentet kryesorë në fitoren e zgjedhjeve vendore në Tuz.

Zgjedhjet e së dielës janë të dytat që nga ndarja e kësaj bashkësie lokale nga komuna e Podgoricës në vitin 2018.

LEXONI GJITHASHTU:

• Sot seanca vjetore e parlamentit kinez, pritet zgjedhja e kryeministrit të ri 
• Të shtëna në Tuz në prag të zgjedhjeve lokale, arrestohet një person