Ditën e sotme në orën 12:00, pritet që GJKKO të shpallë vendimin për masën ndaj Sali Berishës.

Burime bëjnë me dije se në Gjykatë kanë mbërritur dy avokatët e tij, Genc Gjokutaj dhe Sokol Mëngjesi.

Ky i fundit ka dhënë një deklatë për mediat ku është shprehur se kërkesën për përjashtimin e gjyqtares Irena Gjoka e kanë dërguar në formën që e parashikon ligji, ndërkohë ditën e djeshme GJKKO ka bërë me dije se për këtë çështje avokatët e Berishës nuk kanë paraqitur asnjë kërkesë.

“E kemi dërguar kërkesën për zv.përjashtimin e gjyqtares në formë që parashikon ligji. Tani erdha për të tërhequr vendimin. Sapo mora vendimin e parë të Rudina Palloit për refuzimin e përjashtimit. Tani njoftova sekretarinë për kërkesën që kemi nisur me postë. Por pres marrjen e provave, mënyrën si është shortuar Palloi për të marrë vendimin dhe mendimin e gjyqtares Gjoka për kërkesën”-tha ai.

LEXONI GJITHASHTU: 

• IDF thotë se trupat ushtarake po përfshihen në ‘betejat e ashpra’
• Luarasi: Gratë kanë vetëvlerësim më të ulët se burrat, krahasimi është mes liderëve