“Sot s’ka zonë ku nuk mbillet kanabis”, Zagani: Problem janë plantacionet e fshehura

Ish-oficeri i policisë Dritan Zagani tha për Euronews Albania se problemi më i madh në Shqipëri nuk janë plantacionet e hapura të mbjella me kanbis, por ato të cilat bëhen në ambiente të mbyllura të cilat janë më të vështira për t’u kapur.

Sipas tij janë pikërisht këto plantacione me të cilat ne furnizojmë me kanabis Evropën gjatë gjithë vitit, ndërsa shtoi që për krijimin e këtyre plantacioneve duhen grupe të organizuara të cilat kanë mbështetjen e të gjitha hallkave të qeverisë.

“Sot nuk ka vend që nuk mbillet, por nuk është më në diskutim mbjellja e hapur që zbulohet me helikopterin e Guarda di Finanzia. Plantacionet apo hapësirat e stërmëdha, të mbuluara  që nuk bien në sy, ato janë mënyra mafioze e kësaj pune. Sepse ai fshatari që e mbjell dhe ia marrin mafiozët me 50 mijë lekë kilen ajo është “zero me hiç”.

Për mua të kapësh ata janë njësoj si të kapësh përdoruesit në qytetit. Kanabisi ka qenë dhe është në ambiente të hapura, por sasitë madhore me të cilën ne mbulojmë ne tregun e Evropës gjatë gjithë vitit, është e organizuar në pika të mbyllura dhe ambiente të mbuluara dhe të organizuara me mirëmbështetjen nga të gjitha hallkat e shtetit, sepse një njeri që të krijojë një plantacion që prodhon tonelata që të ketë një kapanon të stërmadh duhet ta ketë shumë mirë me komshinjtë, me kryeplakun e me të gjitha hallkat”,-tha Dritan Zagani.

LEXONI GJITHASHTU:

• Dritan Zagani: Punoj në Zvicër, marrë rrogë sa dy ministra shqiptarë…
• Erdogan i shpreh mbështetjen Putinit kundër rebelimit të grupit Wagner