Këtë të martë në Bruksel do të zhvillohet takimi i radhës në kuadër të dialogut mes Kosovës dhe Serbisë.

Ky takim do të jetë në nivel kryenegociatorësh mes zëvendëskryeministrit të Kosovës, Besnik Bislimi edhe shefi i delegacionit të Serbisë, Petar Petkoviç.

Në rend të ditës do të jetë marrëveshja për energjinë, raporton Kosova Press.

Ndërsa, do të bëhen edhe përgatitje për një takim të nivelit të lartë me kryeministrit të Kosovës, Albin Kurti dhe presidentit të Serbisë, Aleksandër Vuçiç.

“I dërguari i posaçëm i BE-së Miroslav Lajçak, do të jetë mikpritës i një raundi tjetër të takimeve në kuadër të dialogut në nivelin e kryenegociatorëve. Takimi do të fokusohet në finalizimin e një udhërrëfyesi i cili do të ndihmojë në zbatimin e marrëveshjes për energji të vitit 2013-të dhe 2015-të si dhe në çështjet e tjera, përfshi edhe përgatitjet për takimin e ardhshëm të nivelit të lartë”, tha Peter Stano, zëdhënësi i BE-së për politikë të jashtme dhe siguri.

LEXONI GJITHASHTU

• BE konfirmon takimin mes Kosovës e Serbisë në Bruksel
• Ekskluzive| Lajçak: Javën e ardhshme pritet marrëveshje me rëndësi Kosovë-Serbi