Spahia: Kuvendi i 30 prillit i hap rrugë fitores së PD në zgjedhjet lokale

Kryebashkiaku i Shkodrës, Bardh Spahia thotë se Kuvendi Kombëtar i Partisë Demokratike i hap rrugës fitimit të zgjedhjeve lokale të vitit 2023, nga kjo forcë politike.

Në fjalën e tij në Kuvendin e mbledhur në sallën e Pallatit të Kongreseve, Bardhi u shpreh se është përgjegjësi e PD-së, për të fituar qytetet e tjera në vend, ashtu siç ndodhi me Shkodrën në zgjedhjet e 6 marsit.

“Kam bindjen time të thellë se ky Kuvend i hap rrugë fitores së Partisë Demokratike në zgjedhjet e ardhshme lokale. Ne kemi përgjegjësinë historike për të fituar njëlloj si Shkodrën, edhe Tiranën, Durrësin, Elbasanin dhe gjithë qyetetet e tjera. Sot është më e mundur se kurrë, na mbetet të punojmë me përkushtim”, tha Spahia.

LEXONI GJITHASHTU

• Në Kuvendin Kombëtar të PD-së janë prezent 1425 delegatë
• Këlliçi: Çdo shqiptar e kuptoi se partinë nuk e bën vula dhe godina
• Berisha për Kuvendin e 30 prillit: Ditë e një rëndësie të madhe