Spahiu: Nëse partitë e reja nuk bashkohen kundër PS-PD, atëherë do shkrihen

Juristi kreshnik Spahiu tha për Euronews Albania se partitë e vogla si “Lëvizja Bashkë”, “Nisma thurje”, e të tjera duhet të bashkohen kundër politikës së vjetër.

Ai tha se të ndarë e kanë të pamundur t’u dalin përballë “tre peshkaqenëve” të politikës shqiptare, pasi siç u shpreh ai peshkaqeni i madh e ha të voglin, ndaj kauzat e mëdha mund të arrihen vetëm duke u bashkuar.

“Ata që kanë votuar Endri Shabanin dhe Arlind Qorin kanë qenë të bindur se ata nuk votojnë, por kanë qenë të gatshëm që ta çojnë dëm votën e tyre, për t’i dhënë një mësim estabilshmentit të vjetër politik.

Unë do përpiqem të punoj që të gjitha partitë e reja, jashtë kontrollit të PD-së dhe të PS-së të organizohen së bashku, pasi në rast se parti si ajo e Endri Shabanit apo e Arlind Qorit nuk do bashkohen, atëherë këta janë peshq të vegjël dhe në politik peshku i madh e ha të voglin.

E këta tre peshkaqenët, në vetvete një nga marrëveshja që kanë është të mos lejojnë të tjerë. Kauzat e mëdha realizohen duke u bashkuar. Të gjithë duhet të inkurajohen që të formojë një orkestër të re deri në 2025”,-tha Kreshnik Spahiu.

LEXONI GJITHASHTU:

• 200 të burgosur do vijnë në Shqipëri, Britania do t’i lirojë një vit më herët
• “Jerusalemi ynë”! – Gazetari himarjot tregon si e sheh elita greke Himarën