Spahiu: Votat në Rrogozhinë do ndryshojnë nga emigrantët që janë kthyer me pushime

Juristi Kreshnik Spahiu ka komentuar përsëritjen e zgjedhjeve që po zhvillohen këtë të diel në Rrogozhinë.

Ai tha për Euronews Albania se këto zgjedhje në mes të sezonit veror kur të gjithë emigrantët janë kthyer do të shërbejnë edhe si një lloj testi për të parë se cilat nga forca politike përkrahet më shumë nga emigrantët.

Spahiu tha gjithashtu se nga kjo do të vendoset edhe në rast se do lejohen emigrantët të votojnë në zgjedhjet e 2025 apo jo.

“Është një test për socialistët dhe demokratët. Nëse Rrogozhina fitohet nga opozita fitohet për dy arsye. E para se ka ndikuar skandali dhe e dyta se emigrantët që kanë ardhur në numër shumë të lartë, mund të ndryshojnë rezultatin.

Nëse rezultati ndryshon për opozitën, ky është një test, se emigrantët anojnë më shumë nga krahu i opozitës se nga krahu i qeverisë gjë që do të japë prognozën se çdo ndodh me emigrantët në 2025, nëse do lejohen të votojnë apo jo”,-tha juristi Kreshnik Spahiu.

LEXONI GJITHASHTU:

• Zjarri masiv në Peshtan, helikopteri shkon në ndihmë për shuarjen e flakëve
• Ben Andoni: PD do të justifikojë humbjen, kërkon me çdo kusht fitoren në Rrogozhinë