SPAK hetime të thelluara për 324 kg e kokainës në Durrës, arrestohen 4 persona

SPAK bën me dije se ka kryer hetime të thelluara në lidhje me 324 kilogramët e gjetura në një kamion në Portin e Durrësit, më 18 qershor të vitit 2022, ku u arrestua drejtuesi maqedonas i mjetit.

SPAK njofton se pas një hetimi të përbashkët disamujor me autoritetet e Republikës së Maqedonisë së Veriut, u arrestuan më datë 3 prill katër shtetas si të dyshuar për veprat penale të trafikimit ndërkombëtar të narkotikëve kryer në kuadër të grupit të strukturuar kriminal.

Të arrestuarit dyshohet se kanë bashkëpunuar me të pandehurin Nazif Ajroski në tentativën për të trafikuar përmes Portit të Durrësit të sasisë prej 324 kg e 400 gram kokainë.

Kujtojmë se i pandehuri Ajroski u dërgua për gjykim dhe Gjykata e Posaçme e Shkallës së Parë Për Korrupsionin dhe Krimin e Organizuar e ka deklaruar fajtor për akuzat e mësipërme dhe e ka dënuar me 8 vjet burgim.

Pas dërgimit për gjykim të të pandehurit Nazif Ajroski, Prokuroria e Posaçme Kundër Korrupsionit dhe Krimit të Organizuar vazhdoi hetimet në një proçedim penal të ndarë, për identifikimin e bashkëpunëtorëve të tjerë të përfshirë në këtë veprimtari kriminale. Me qëllim zbulimin e personave të përfshirë në këtë aktivitet kriminal, ku u finalizua së fundmi me arrestimin e 4 personave në Maqedoninë e Veriut.

LEXO GJITHASHTU:

• Pazare me varret në Durrës, arrestohet tekniku i zbatimit të NSHK
• Gjendet e vdekur me plumb në kokë gruaja, letra fundos të birin. Shpallet në kërkim