SPAK jep pretencën për inceneratorin e Fierit, kërkohet 10 vite burg për Kokën

Prokuroria e Posaçma ka dhënë këtë të hënë pretencën për inceneratorin e Fierit. Burime për Euronews Albania bëjnë me dije se SPAK ka kërkuar 10 vite burg për ish ministrin e Mjedisit Lefter Koka. Duke llogaritur gjykimin e shkurtuar, Koka do të vuaj 6 vite e 8 muaj burgim nëse shpallet fajtor.

Ndërkohë që për Sekretarin e Përgjithashëm të Ministrisë së Mjedisit akuza ka kërkuar 7 vite burg, që shkon në 4 vite e 8 muaj, pas gjykimit të shkurtuar.

Për një nga pronarët e kompanisë së inceneratorëve, Klodian Zoton, Klodian Zoton, ka kërkuar 12 vite burg, që përllogaritet në 8 vite pas gjykimit të shkurtuar.

Për Arben Dervishaj, ish-supervizorin që akuzohet për falsifikimet e situacioneve, SPAK ka kërkuar 4 vite burg. Nëse shpallet i fajshëm ai do të duhet të kalojë në qeli 2 vite e 8 muaj burg pas gjykimit të shkurtuar.

Pretenca për të akuzuarit e tjerë, pa llogaritur gjykimin e shkurtuar:

Pëllumb Abeshi  4 vjet

Florian Muçaj 3 vjet

Azem Shatëri 3 vjey

Erjon Murataj 4 vjet

Sabina Cenameri 4 vjet

Loran Dusha 8 vjet

Arjola Kodra 3 vjet

Arbër Denizi 7 vjet

Juri Imeraj 7 vjet

Regan Merdani 4 vjet

Gentian Zifla 4 vjet

Çështja është veçuar për 3 të pandehurit, Etleva Kondi, Arenc Murtezani dhe Guzeppe Ceffalione, të cilët do gjykohen me gjykim të zakonshëm.

LEXO GJITHASHTU:

• Pranohet gjykimi i shkurtuar për 16 nga 19 të akuzuarit e inceneratorit të Fierit
• Shtyhet seanca për konkluzionet e mbrojtjes për inceneratorin e Elbasanit