SPAK konrolle në banesën e Arben Ahmetaj në Tiranë

Prokuroria e Posaçme ka kryer këtë të martë konrolle në banesën e ish-zvëvendëskryeministrit Arben Ahmetaj.

Kontrollet janë kryer me vendimin e Gjykatës së Posaçme, në apartamentin e Ahmetaj në zonën e Selitës.

Zbarkimi i agjentëve të BKH dhe SPAK në banesën e Ahmetaj, vjen 5 ditë pasi Kuvendi votoi heqjen e imunitetit për deputetin dhe pranimin e kërkesës së Prokurorisë së Posaçme për arrestimin e tij.

Ish-zëvendëskryeministri Ahmetaj ndodhet jashtë territorit të Republikës së Shqipërisë, ku avokatët e tij kanë pohuar se ai ndodhet në Britaninë e Madhe.

Para votimit, Ahmetaj publikoi në rrjetet sociale një mesazh të gjatë ku theksoi se do të luftojë për të vërtetën.

SPAK po e heton ish ministrin Arben Ahmetaj, për tre akuza “mosdeklarim, deklarim të rremë dhe fshehje të pasurisë”, “Korrupsion pasiv të funksionarëve të lartë shtetërorë ose të zgjedhurve vendorë” në gjashtë raste, dhe “Pastrimi të produkteve të veprës penale ose veprimtarisë kriminale”.

LEXONI GJITHASHTU:

• GJKKO firmos disa urdhër kontrolle, BKH në vilën e bashkëjetueses së Ahmetaj
• Sekreti që po mbajnë SPAK dhe Policia për Ahmetajn, gazetari: Nuk duan ta tregojnë